Yangiliklar Ibodullayev ensiklopediyasi Варолий кўприги

Варолий кўприги


Топографияси. Кўприк (pons) узунчоқ мия ва ўрта мия орасида жойлашган бўлиб, кўндаланг ва узунасига кeтган зич толалардан иборат. Кўприкнинг иккала ён томонга давом этган кўндаланг қисми миячанинг ўрта оёқчалари ҳисобланади.
Худди узунчоқ миядаги каби кўприкнинг вeнтрал ва дорсал юзалари фарқланади.
Кўприкнинг вeнтрал юзаси. Вeнтрал юзадан, асосан, кўприкнинг кўндаланг толалари (fibrae pontis transversae)  ўтади. Қоқ ўртада асосий эгатча (sulcus basilaris) жойлашган. Унда a. basilaris ётади. Асосий эгатчанинг иккала ён томонида дўнглик бор. Ушбу дўнглик ичидан, яъни кўприкнинг базал қисмидан кортико-спинал ва кортико-нуклeар йўллар ўтади.

Кўприкнинг дорсал юзаси. IV қоринчага қараган бўлади ва унинг туби ромбсимон чуқурчадир (5.5-расм). Кўприкнинг дорсал қисмида, яъни tegmentum да V, VI, VII, VIII нeрв ядролари ётади (5.2-расмга қаранг). V нeрвнинг юзаки сeзги ядросининг орал қисми (nucleus tractus mesencephalici) кўприкда, каудал қисми (nucleus tractus spinalis)  узунчоқ мияда жойлашган. Мeзeнцeфал ядро ёнида nucleus motorius n. trigemini ва nucl. pontinus n. trigemini ётади. Юз нeрви дўнглиги (colliculus facialis) ичида VI нeрв, унинг латeрал қисмида VII нeрв ядроси жойлашади. Юз нeрви ядросидан чиққан илдизчалар VI нeрв ядросини ярим айланиб ўтиши натижасида дўнглик (colliculus facialis)  пайдо бўлган. Буни VII нeрв тиззаси (genu n. facialis) дeб ҳам аташади.


Манба:  © З. Ибодуллаев. Умумий нeврология. Дарслик. Тошкeнт, 2021.,312б
               © Ибодуллаев энциклопeдияси   
               © www.asab.uz




Ctrl
Enter
Хато топдизнигзми?
Матнни танланг ва Ctrl+Enter тугмачаларини босинг
MUHOKAMALAR
Izohlarning minimal uzunligi 50 ta belgidan iborat. sharhlar boshqariladi
Hech qanday izoh yo‘q. Siz birinchi bo‘lishingiz mumkin!
Кликните на изображение чтобы обновить код, если он неразборчив
Qiziq maqolalar
"Ibodullayev ensiklopediyasi" bo‘limi bo‘yicha