Yangiliklar Ibodullayev ensiklopediyasi ҚУТУРИШГА ҚАРШИ ҚИЛИНГАН ЭМЛАШДАН СЎНГ РИВОЖЛАНГАН ЭНЦЕФАЛИТ ВА ЭНЦЕФАЛОМИЕЛИТ

ҚУТУРИШГА ҚАРШИ ҚИЛИНГАН ЭМЛАШДАН СЎНГ РИВОЖЛАНГАН ЭНЦЕФАЛИТ ВА ЭНЦЕФАЛОМИЕЛИТ


Этиологияси. Қутуришга қарши эмлашдан сўнг МНС зарарланиши белгилари эмлаш даврида ёки тугагандан кейин ривожланади. Энцефалит ёки энцефаломиелит белгилари биринчи эмлашдан 2 ҳафта ўтгач пайдо бўлади.
      
Клиникаси. Сувчечакка қараганда қутуришга қарши эмлашлардан сўнг МНС зарарланиши кам учрайди. Касаллик клиникаси энцефалит, энцефаломиелит, миелит ва полирадикулоневропатия кўринишида намоён бўлади. Ушбу касалликларнинг ҳар қандай клиник турида ҳам оғир сопор ва кома деярли кузатилмайди. Менингеал симптомлар бўлмайди ёки енгил ифодаланган бўлади. Бошқа энцефалитлардаги каби ўткир инфекцион даври ҳам йўқ. Касаллик клиникаси худди нимўткир тарқоқ энцефаломиелитга ўхшаб кечади. Демак, кўпинча МНС нинг оқ моддаси зарарланади, яъни демиелинизация рўй беради. Қўл ва оёқларда спастик фалажликлар юзага келади, яъни пай рефлекслари гиперрефлексияси, мушакларда спастик гипертонус ва патологик рефлекслар пайдо бўлади. Агар патологик жараён орқа мияга ўтса, миелитик симптомлар юзага келади ва тос аъзолари функциялари бузилади.
      
Кечиши ва прогноз. Касаллик нимўткир ва сурункали тарзда кечади, яъни бир неча ой давом этади. Ушбу муддат ўтгач, неврологик функциялар қайта тиклана бошлайди.
     
Даволаш. Кортикостероидлар, антибиотиклар ва симптоматик даволаш муолажалари ўтказилади.
     
Прогноз. Беморларнинг деярли ярмидан кўпи тўла тузалиб кетади. Турли неврологик дефектлар билан тузалиш деярли 20% га тенг. Ўлим ҳолатлари 17–20% ни ташкил қилади

Manba: © Z. Ibodullayev. Asab kasalliklari. 2-nashr. Darslik, Toshkent, 2021., 960 b. 
             © Ibodullayev ensiklopediyasi
              © www.asab.uz


Ctrl
Enter
Хато топдизнигзми?
Матнни танланг ва Ctrl+Enter тугмачаларини босинг
MUHOKAMALAR
Izohlarning minimal uzunligi 50 ta belgidan iborat. sharhlar boshqariladi
Hech qanday izoh yo‘q. Siz birinchi bo‘lishingiz mumkin!
Кликните на изображение чтобы обновить код, если он неразборчив
Qiziq maqolalar
"Ibodullayev ensiklopediyasi" bo‘limi bo‘yicha